လူစီဖာ ပါးစပ်ထဲက ငရဲသား ၃ ယောက်
လူစီဖာ ပါးစပ်ထဲက ငရဲသား ၃ ယောက်
ဒန္တေရဲ့ နိရယဘုံ ခရီးစဥ်အဆုံးမှာ ရေတွေခဲနေတဲ့ မြစ်ပြင်ကျယ်ကြီးဆီကို
ရောက်လာခဲ့ပြီး လေတွေလဲ အင်မတန် တိုက်ခတ်နေတာကို တွေ့လိုက်ရပါတယ်။ ဘာကြောင့် လေတိုက်ခတ်နေရသလဲလို့
ဒန္တေကမေးတော့ ဗာဂျယ်လ်က သူ့ကို မကြောက်ဖို့ ပြောပြီး ဆေတန် တဖြစ်လဲ လူစီဖာကို လှမ်းကြည့်ဖို့
ပြောလိုက်တယ်။
လူစီဖာရဲ့ အဆင်းသဏ္ဌာန်ဟာ နီမြန်းသော မျက်နှာရှိပြီး
ခေါင်း ၃ လုံးရှိတယ်လို့ ဒန္တေက တွေ့လိုက်ရပါတယ်။ သူ့ရဲ့ အတောင်ပံကြီးတွေက လှုပ်ခတ်နေတာမို့
လေပြင်းတိုက်ကာ အနားမှာရှိတဲ့ မြစ်ရေတွေပါ အေးခဲကုန်တာ ဖြစ်ပါတယ်။
ဒန္တေမတိုင်ခင်က
လူစီဖာ ခေါ် ဆေတန်ရဲ့ အသွင်ကို အမျိုးမျိုး ဖော်ပြချက်တွေရှိခဲ့ပေမဲ့ နီမြန်းတဲ့ မျက်နှာနဲ့
ခေါင်း ၃ သုံးအသွင်ကတော့ ဒန္တေဖန်တီးခဲ့တဲ့ လူစီဖာရဲ့ ပုံရိပ်ပဲဖြစ်ပါတယ်။
လူစီဖာရဲ့ ခေါင်း ၃ လုံးဟာ ခမည်းတော်၊ သားတော်၊ သန့်ရှင်းသော
ဝိညာဥ်ဆိုတဲ့ သုံးပါး တစ်ဆူ ဝါဒကို ဆန့်ကျင်နေကြောင်း ဖော်ပြချက်ဖြစ်သလို ၃ ဂဏန်းဟာ
ဒန္တေအတွက် အတော်လေး အလေးထားရတဲ့ ဘာသာရေးဆိုင်ရာ သင်္ကေတ တစ်ခုလဲ ဖြစ်ပါတယ်။ Divine
Comedy ကို ၃ ပိုင်းခွဲရေးတာ၊ တစ်ပိုင်းဆီမှာ ၃၃ ပိုဒ်ဆီပါတာ စသဖြင့်
ဖြစ်ပါတယ်။
လူစီဖာရဲ့ ပါးစပ် ၃ ပေါက်ထဲမှာ
အပြစ်ကျခံနေရတဲ့ ငရဲသား ၃ ယောက်ရှိပြီး သူတို့ကတော့ ယုဒရှကာရုတ်၊ ဘရူးတပ်စ်နှင့် ကက်စီးယပ်စ် တို့ဖြစ်ပါတယ်။
ယုဒရှကာရုတ်ဟာ ယေရှုခရစ်တော်ကို
သစ္စာဖောက်ခဲ့တဲ့ တမန်တော်တစ်ပါးဖြစ်ပါတယ်။ သူ့ကို လူစီဖာရဲ့ အလယ် ဦးခေါင်းကနေ ဝါးယူစားသောက်နေတာကို
ဒန္တေတွေ့ခဲ့ရပါတယ်။ ကျန်တဲ့ ဦးခေါင်း ၂ ဖက်မှာတော့ ဂျူးလိယက်ဆီဇာရဲ့ အုပ်ချုပ်မှုကို
သစ္စာဖောက်ကာ တော်လှန်ခဲ့တဲ့ ဘရူးတပ်စ်နဲ့ ကက်စီးယပ်စ်တို့ အသီးသီး ရှိနေပါတယ်။ နိုင်ငံရေးအရ
သူ နှစ်သက်သဘောကျခဲ့တဲ့ ဂျူးလိယပ်ဆီဇာကို သစ္စာဖောက်ခဲ့တဲ့ သူတွေကိုလဲ အကြီးမားဆုံး
အပြစ်ပေးထားတာကို တွေ့ရပါတယ်။
#နိရယဘုံ #အစ္ဆရိယရကန်ကဗျာစကားပြေ #သက်ပိုင် #TheDivineComedy
#Dantealighieri
Comments
Post a Comment