စာရေးသူအကြောင်းနှင့် ဆက်သွယ်ရန်


သက်ပိုင်

သက်ပိုင်သည် ဘာသာစကားနှင့် စာပေကို စိတ်ဝင်စားသူဖြစ်ပြီး အလွတ်တန်း အင်္ဂလိပ်စာသင်ကြားသူလည်းဖြစ်သည်။

၂၀၁၈ ခုနှစ်တွင် The Global New Light of Myanmar အင်္ဂလိပ် သတင်းစာ၏ တနင်္ဂနွေ အချပ်ပို ကဏ္ဍ တက်သစ်စ စာရေးသူအစီအစဥ်၌ အင်္ဂလိပ်ဘာသာဖြင့် ဝတ္ထုတိုများ စတင် ရေးသားခဲ့ပြီး ၂၀၂၀ ပြည့်နှစ် ဇန်နဝါရီလမှ စတင်ကာ ပထမဆုံး ဘာသာပြန်စာအုပ်များကို ရေးသား ထုတ်ဝေနိုင်ခဲ့ရာ ယခုလက်ရှိတွင် ဘာသာပြန် ဝတ္ထု ဆယ်အုပ်(အတ္ထုပ္ပတ္ထိ နှစ်အုပ် အပါအဝင်) ကို ထုတ်ဝေခဲ့ပြီး ဖြစ်သည်။

ဂန္ထဝင်စာပေနှင့် သမိုင်းစာပေကို နှစ်သက်သူဖြစ်ပြီး ဆက်လက်၍ ဟုမ္မာ၏ အိလျဒ်နှင့် သြဒစ္ဆေမော်ကွန်းများ၊ ဒန္တေ၏ အစ္ဆရိယရကန်စကားပြေ နှင့် ဂေးလ်ဂမက်ရှ်၏ စွန့်စားခန်း ‌မော်ကွန်း‌ကျောက်စာများကို ဘာသာပြန်ရန် အားထုတ်လျက်ရှိကာ ပင်ကိုယ်ရေးဝတ္ထုများကိုလည်း ရေးသားလျက်ရှိသည်။

ဆရာကြီး ‌မောင်ထင်အောင်နှင့် ဆရာမကြီး ခင်နှင်းယုတို့ကို လေးစားအားကျသောကြောင့် နောင်တွင် ၎င်းတို့ကဲ့သို့ အင်္ဂလိပ်ဘာသာဖြင့် မြန်မာဝတ္ထုများကိုနိုင်ငံတကာ စာဖတ်သူများထံသို့ ကူးပြောင်းပေးနိုင်ရန် ဆန္ဒရှိသည်။ 

ဆက်သွယ်ရန် - thetpywriter@gmail.com သို့ စာပို့နိုင်သည်။



Comments

Post a Comment

Popular posts from this blog

ဘာသာရေးနှင့် သိပ္ပံပညာ စာအုပ် စတင် ဖြန့်ချိပါပြီ

Image
  (Give away စာအုပ်လက်ဆောင် အစီအစဉ်) ၂၀၂၆ ခုနှစ်ရဲ့ မဖတ်မဖြစ် မှတ်တိုင်သစ် - "ဘာသာရေးနှင့် သိပ္ပံပညာ" ပူလစ်ဇာဆုရှင် Edward J. Larson နဲ့ ဒဿနပညာရှင် Michael Ruse တို့ရဲ့ ကမ္ဘာကျော်လက်ရာကို အခြေခံထားတဲ့ "ဘာသာရေးနှင့် သိပ္ပံပညာ" ဘာသာပြန် စာအုပ်သစ် ထွက်ရှိလာပါပြီ။ သိပ္ပံပညာက "ဘယ်လို" ဆိုတဲ့ အမေးကို ဖြေရှင်းပေးပြီး၊ ဘာသာရေးက "ဘာကြောင့်" ဆိုတဲ့ အဓိပ္ပာယ်ကို ရှာဖွေပေးပါတယ်။ ဒီနှစ်ခုကြားက ဟန်ချက်ညီမှုကို သိပါသလား။ စာအုပ်ထဲမှာ ဘာတွေ ဖတ်ရမလဲဆိုရင်တော့ • လူသားဖြစ်တည်မှုရဲ့ ပဟေဠိ - ဆင့်ကဲပြောင်းလဲဖြစ်စဉ် (Evolution) ရဲ့ အားသာချက်၊ အားနည်းချက်များ။ • မှောင်မိုက်သော သမိုင်း - နာဇီတို့ရဲ့ လူသားမျိုးဗီဇသန့်စင်ရေး လုပ်ရပ်များနှင့် ယနေ့တိုင် အံ့သြနေရဆဲ ဖြစ်ရပ်များ။ • ရှေးဟောင်းခြေရာများ - ကျောက်ဖြစ်ရုပ်ကြွင်းလေ့လာမှု (Paleontology) ရဲ့ စိတ်ဝင်စားဖွယ် နောက်ခံသမိုင်း။ • ယုံကြည်မှုနဲ့ လူ့အဖွဲ့အစည်း - ဂျူး၊ ခရစ်ယာန်၊ အစ္စလာမ်၊ ဗုဒ္ဓဘာသာ နဲ့ ဟိန္ဒူ စတဲ့ ဘာသာတရားတွေအောက်မှာ လူသားတွေ ဘယ်လို ရုန်းကန်ပြောင်းလဲလာခဲ့သလဲ။ "ဘာသာရေးမရှိဘဲ လူမှုအဖွဲ့အစည်း မဖြစ်တည်နိုင်သလို၊...
ဆက်လက်ဖတ်ရှုရန်

ဒေါ်အောင်ဆန်းစုကြည် အကြိုက်ဆုံး တော်လှန်ရေး ဝတ္ထုတစ်ပုဒ်

Image
Les Misérables သို့မဟုတ် အာဏာရှင်ကို ဆတ်ဆတ်တုန်စေခြင်း  ဇွန် ၁၉၊ ၂၀၂၅ ရက်စွဲနဲ့ BBC က တင်ထားတဲ့ ဆောင်းပါးတစ်ပုဒ်မှာ ဒေါ်အောင်ဆန်းစုကြည်ဟာ နေအိမ်အကျယ်ချုပ်ကျနေစဥ်အတွင်း ဖတ်တဲ့ စာအုပ်တွေကို ပြောပြထားပါတယ်။ သူက Victor Hugo ရဲ့  'Les Misérables'  ကို တစ်ခေါက်ပြန်ပြီး တောင်းဆိုသတဲ့။ ဒီစာအုပ်ကို သူ ဘာကြောင့် သိပ်ကြိုက်ရတာပါလဲ။ ‌ဆောင်းပါးဖတ်ရန် - https://www.bbc.com/burmese/articles/cy 8 d 86 z 725 do “ ၁၈၆၂ ခုနှစ်က ပြင်သစ်စာရေးဆရာ Victor Hugo - ဗစ်တာဟူးဂိုး ရေးတဲ့  'Les Misérables'   ဆိုတဲ့ ပြင်သစ်ဝတ္တုက ဒေါ်အောင်ဆန်းစုကြည် အကြိုက်ဆုံးစာအုပ်တစ်အုပ်ဖြစ်သလို ဒီတစ်ကြိမ် အကျဥ်းစံဘဝမှာ ထပ်မှာတဲ့ စာအုပ်ထဲ ပါဝင်ပါတယ်။ ဒီစာအုပ်က သူ့ရဲ့ အကျဥ်းကျခြင်း ချုပ်နှောင်ခံရခြင်းအကြိမ်ကြိမ်ကို ကျော်လွှားနိုင်ဖို့ စိတ်ခွန်အားပေးတဲ့ စာအုပ်တွေထဲမှာ မပါမဖြစ်လို့ ဒေါ်အောင်ဆန်းစုကြည် ကိုယ်တိုင် သူ့နဲ့ အနီးကပ်နေထိုင်ခဲ့ဖူးသူတစ်ဦးကို ပြောပြဖူးပါတယ်။ အဲဒီစာအုပ်ထဲမှာ Jean Valjean လို့ခေါ်တဲ့ ထောင်ထွက်ဇာတ်ကောင်ရဲ့ နှိပ်စက် ညှဥ်းပန်းခံရမှုတွေကို ကြံ့ကြံ့ခံရင်ဆိုင်နိုင်ခဲ့ပုံကို ဖော်ကျူးထားတ...
ဆက်လက်ဖတ်ရှုရန်

သြဒစ္ဆေ မော်ကွန်း စကားပြေ ၁

Image
  The Odyssey by Homer   ဩဒစ္ဆေ မော်ကွန်း (စကားပြေ) သက်ပိုင် (မြန်မာပြန်သည်) ကဗျာ အတွဲ (၁) လင်္ကာပိုဒ် (၁) မှ (၂၁) ဩဒစ္ဆေ လင်္ကာ ဖွင့်တော်မူခန်း   အို...မှတ်ဉာဏ်အရာ၌ စံထားရတော်မူသော အသင် နတ်သမီး မျု့စ် (၁) ။ ထရွိုင် (၂) မြို့‌တော် ခံတပ်ကြီးအား စိတ်လိုလက်ရ ဖျက်ဆီးခဲ့ပြီးလျှင် ပင်လယ်ပြင်တခွင် နှံ့စပ်စွာ ခရီးဆန့်ခဲ့သော လက်ရုံးရည်၊ နှလုံးရည်နှင့်ပြည်စုံလှသည့် ထိုယောက်ျားဘသား အကြောင်း ကျွန်ုပ်အား တေးသီလှည့်ပါလော့။ ဌာနေများစွာသို့ ခရီးဆန့်ခဲ့ကာ အဖုံဖုံသော နည်းလမ်းအသွယ်သွယ်ကို လေ့လာလိုက်စားခဲ့သော အကြင်ယောက်ျားသည် သူ၏ မိတ်ဆွေများကို ပင်လယ်ခရီးမှ မွေးရပ်ဌာနီ ပြန်ရောက်နိုင်ရန် ကယ်ဆယ်ဖို့ရာ ကြိုးစားခဲ့၏။ သို့သော် ထိုမိတ်ဆွေတို့မှာကား နေနတ်ဘုရား ဟီလီယို့စ် (၃) ၏ ၀တ္တကမြေမှ နွားလားဥဿဘ တို့အား ဉာဏ်ပညာကင်းမဲ့စွာ ဖမ်းဆီး စားသောက်ခဲ့သောကြောင့် နတ်ဘုရားတို့၏အမျက်သင့်ခံခဲ့ရသည်မှာ အမှန်ပင် ဖြစ်ပေသည်။ နတ်ဘုရားတို့၏ အရှင်သခင် ဇုစ် (၄) နတ်မင်း ၏ သမီးတော်ခင်ဗျား....ကျွန်ုပ်တို့အား သင်၏ ရွှေဉာဏ်တော် စိတ်ဆန္ဒရှိသည့်အတိုင်း မိန့်ကြားတော်မူပါလေ။   ထရိုဂျန် စစ်ပွဲဒဏ်မှ အသက်အန္တရာယ် ကင်းလွတ်ခ...
ဆက်လက်ဖတ်ရှုရန်