အစ္ဆရိယရကန် စကားပြေ အတွဲ ၁ နိရယဘုံ

-
Image
  လွန်ခဲ့တဲ့ နှစ်ပေါင်း ၇၀၀ ကျော်တုန်းက လူတစ်ယောက် ရှိခဲ့ဖူးတယ်။ သူ့ကို မတရားစွပ်စွဲပြီး နိုင်ငံကနေ နယ်နှယ်ဒဏ်ပေးခဲ့တဲ့အတွက် သူ့ရဲ့ ကျန်ရှိတဲ့ ဘဝတလျှောက်လုံးမှာ မွေးရပ်မြေကို လွမ်းဆွတ်ပြီး နေခဲ့ရတယ်။ ဒါကြောင့် သူဟာ သူများနဲ့မတူဘဲ သူရောက်နေတဲ့ နယ်မှာသုံးတဲ့ ဘာသာစကားနဲ့ ကဗျာတစ်ပုဒ်ရေးသားခဲ့တယ်။ ဒီကဗျာဟာ သိပ်ကို နာမည်ကြီးသွားပြီး ဒီကဗျာကို ရေးသားတဲ့ နယ်သုံး ဘာသာစကားဟာလည်း အခုခေတ်ရဲ့ နိုင်ငံတော် ဘာသာစကားဖြစ်လာခဲ့တယ်။ ဒီလောက်ဆို ဘယ်သူလဲ ခန့်မှန်းနိုင်လောက်ပြီ ထင်ပါတယ်။ ဒန္တေ အယ်လီဂီယာရီပါ။ သူ့ရဲ့ Divine Comedy ကဗျာကြီးဟာ ဘုံ ၃ ဘုံကို လှည့်လည်သွားလာတဲ့ ခရီးစဥ်ကို ဖော်ပြထားတာဖြစ်ပြီး အီတလီနိုင်ငံ ဖလောရင့်စ်မြို့ရဲ့ နိုင်ငံအတွင်း အကြောင်းအရာတွေ အားလုံးကို အခြေပြုထားပါတယ်။ သူဟာ ကဗျာကြီးကို Comedy လို့ပဲ အမည်ပေးခဲ့တာပါ။ ၁၃ ရာစုခေတ်က Comedy ဆိုတဲ့ အဓိပ္ပါယ်ဟာ ဟာသ သက်သက် မဟုတ်ခဲ့ပါဘူး။ ခက်ခဲကြမ်းတမ်းတဲ့ ခရီးကို ဖြတ်သန်းပြီး အဆုံးမှာ ပျော်ရွှင်စရာနဲ့ အဆုံးသတ်သွားတဲ့ စာပေမျိုးကို ရည်ညွှန်းပါတယ်။ နောက်ပိုင်း ပုံနှိပ်တဲ့အခါမှာတော့ အယ်ဒီတာက Divine ဆိုတဲ့ စကားလုံးထည့်သွင်းခဲ့ပြီး ယနေ့ခေတ်အထိ Divin...
Post a Comment

စာအုပ်မိတ်ဆက် ၆

-

 ၂၀၂၁ ခုနှစ်မှာ ထုတ်ဝေခဲ့တဲ့ ကံကောင်းခြင်းမိတ်ဆွေ စာအုပ်ဟာ မူရင်း Skellig by David Almond ကို ဘာသာပြန်ထားတာ ဖြစ်ပါတယ်။

၁၉၉၈ ခုနှစ်ထုတ် ဆုရ ကလေးဝတ္ထုဟာ Magical realism အမျိုးအစားဖြစ်ပါတယ်။
လဝန်းရိပ်စာပေကနေ မှာယူနိုင်ပါတယ်။
ဒါဟာ သက်ပိုင် (ဘာသာပြန်) ရဲ့ ၆ အုပ်မြောက် စာအုပ်ဖြစ်ပါတယ်။
၁၀ နှစ်သားအရွယ် မိုက်ကယ်တို့ မိသားစု အိမ်အသစ်ကို ပြောင်းလာခဲ့တဲ့ အခန်းကနေ ဇာတ်လမ်းကို စထားပါတယ်။ အဖေက ပြောင်းလာတဲ့အိမ်ကို ပြန်ပြင်ဆင်တာနဲ့ အလုပ်များနေသလို အမေကလည်း နို့စို့အရွယ် မိုက်ကယ့်ညီမလေးက ချူချာတာမို့ ဆေးရုံမှာပဲ မျက်ခြေမပြတ် ကြည့်နေရတဲ့အတွက် မိုက်ကယ်ဟာ နေရာအသစ်မှာ တစ်‌ယောက်တည်း ပျင်းနေခဲ့ပါတော့တယ်။
ဒီလိုနဲ့ မိုက်ကယ်ဟာ အိမ်နီးနားချင်းဖြစ်တဲ့ မီနာဆိုတဲ့ ကောင်မလေးနဲ့ စပြီး သိကျွမ်းလာပါတော့တယ်။ မီနာက ထူးဆန်းတယ်။ မိုက်ကယ်နဲ့ သက်တူဖြစ်ပေမဲ့ မီနာက ကျောင်းမနေဘူးလေ။ ဘာဖြစ်လို့လဲဆိုတော့ မီနာက အိမ်မှာပဲ သူ့အမေက စာသင်ပေးတာကို သဘောကျတဲ့ သူမို့လို့ပါ။
မိုက်ကယ်တစ်ယောက် အိမ်ထဲမှာ ဆော့နေရင်း ဂိုဒေါင်ထဲမှာ လူလိုလို၊ ငှက်လိုလို သတ္တဝါကြီးတစ်ကောင်ကို တွေ့လိုက်ရပါတော့တယ်။ ဒီသတ္တဝါကြီးက ဘာလဲဆိုတာ သူမသိပေမဲ့ မိုက်ကယ်ကတော့ သူ့ကို သူငယ်ချင်းတစ်ယောက်လို့ မှတ်ယူကာ သူတို့ သားအဖတွေ ညစာစားပြီးတိုင်း ကျန်တဲ့ အကြွင်းအကျန်တွေကို သွားကျွေးလေ့ရှိပါတယ်။ ဒီသတ္တဝါကြီးဟာ တကယ်တော့ ကံကောင်းခြင်းတွေကို ဆောင်ယူလာပေးမဲ့ သတ္တဝါကြီး ဖြစ်တယ်ဆိုတာ မိုက်ကယ် မသိခဲ့ပါဘူး။ သူ့ရဲ့ ကလေးဆန်ဆန်နဲ့ သူငယ်ချင်းကောင်းတစ်ယောက်လိုလားခဲ့တဲ့ ဆန္ဒကိုပဲ စာအုပ်က အကောင်းဆုံး ဖော်ပြနိုင်ခဲ့တာမို့လည်း ‘ကံကောင်းခြင်းမိတ်ဆွေ’ စာအုပ်ဟာ Carnegie Medal and Whitbread Children’s book of the year ဆုတွေကို ဆွတ်ခူးနိုင်ခဲ့တာ ဖြစ်ပါတယ်။



Comments

Post a Comment

Popular posts from this blog

ဘာသာရေးနှင့် သိပ္ပံပညာ စာအုပ် စတင် ဖြန့်ချိပါပြီ

-
Image
  (Give away စာအုပ်လက်ဆောင် အစီအစဉ်) ၂၀၂၆ ခုနှစ်ရဲ့ မဖတ်မဖြစ် မှတ်တိုင်သစ် - "ဘာသာရေးနှင့် သိပ္ပံပညာ" ပူလစ်ဇာဆုရှင် Edward J. Larson နဲ့ ဒဿနပညာရှင် Michael Ruse တို့ရဲ့ ကမ္ဘာကျော်လက်ရာကို အခြေခံထားတဲ့ "ဘာသာရေးနှင့် သိပ္ပံပညာ" ဘာသာပြန် စာအုပ်သစ် ထွက်ရှိလာပါပြီ။ သိပ္ပံပညာက "ဘယ်လို" ဆိုတဲ့ အမေးကို ဖြေရှင်းပေးပြီး၊ ဘာသာရေးက "ဘာကြောင့်" ဆိုတဲ့ အဓိပ္ပာယ်ကို ရှာဖွေပေးပါတယ်။ ဒီနှစ်ခုကြားက ဟန်ချက်ညီမှုကို သိပါသလား။ စာအုပ်ထဲမှာ ဘာတွေ ဖတ်ရမလဲဆိုရင်တော့ • လူသားဖြစ်တည်မှုရဲ့ ပဟေဠိ - ဆင့်ကဲပြောင်းလဲဖြစ်စဉ် (Evolution) ရဲ့ အားသာချက်၊ အားနည်းချက်များ။ • မှောင်မိုက်သော သမိုင်း - နာဇီတို့ရဲ့ လူသားမျိုးဗီဇသန့်စင်ရေး လုပ်ရပ်များနှင့် ယနေ့တိုင် အံ့သြနေရဆဲ ဖြစ်ရပ်များ။ • ရှေးဟောင်းခြေရာများ - ကျောက်ဖြစ်ရုပ်ကြွင်းလေ့လာမှု (Paleontology) ရဲ့ စိတ်ဝင်စားဖွယ် နောက်ခံသမိုင်း။ • ယုံကြည်မှုနဲ့ လူ့အဖွဲ့အစည်း - ဂျူး၊ ခရစ်ယာန်၊ အစ္စလာမ်၊ ဗုဒ္ဓဘာသာ နဲ့ ဟိန္ဒူ စတဲ့ ဘာသာတရားတွေအောက်မှာ လူသားတွေ ဘယ်လို ရုန်းကန်ပြောင်းလဲလာခဲ့သလဲ။ "ဘာသာရေးမရှိဘဲ လူမှုအဖွဲ့အစည်း မဖြစ်တည်နိုင်သလို၊...
ဆက်လက်ဖတ်ရှုရန်

သြဒစ္ဆေ မော်ကွန်း စကားပြေ ၁

-
Image
  The Odyssey by Homer   ဩဒစ္ဆေ မော်ကွန်း (စကားပြေ) သက်ပိုင် (မြန်မာပြန်သည်) ကဗျာ အတွဲ (၁) လင်္ကာပိုဒ် (၁) မှ (၂၁) ဩဒစ္ဆေ လင်္ကာ ဖွင့်တော်မူခန်း   အို...မှတ်ဉာဏ်အရာ၌ စံထားရတော်မူသော အသင် နတ်သမီး မျု့စ် (၁) ။ ထရွိုင် (၂) မြို့‌တော် ခံတပ်ကြီးအား စိတ်လိုလက်ရ ဖျက်ဆီးခဲ့ပြီးလျှင် ပင်လယ်ပြင်တခွင် နှံ့စပ်စွာ ခရီးဆန့်ခဲ့သော လက်ရုံးရည်၊ နှလုံးရည်နှင့်ပြည်စုံလှသည့် ထိုယောက်ျားဘသား အကြောင်း ကျွန်ုပ်အား တေးသီလှည့်ပါလော့။ ဌာနေများစွာသို့ ခရီးဆန့်ခဲ့ကာ အဖုံဖုံသော နည်းလမ်းအသွယ်သွယ်ကို လေ့လာလိုက်စားခဲ့သော အကြင်ယောက်ျားသည် သူ၏ မိတ်ဆွေများကို ပင်လယ်ခရီးမှ မွေးရပ်ဌာနီ ပြန်ရောက်နိုင်ရန် ကယ်ဆယ်ဖို့ရာ ကြိုးစားခဲ့၏။ သို့သော် ထိုမိတ်ဆွေတို့မှာကား နေနတ်ဘုရား ဟီလီယို့စ် (၃) ၏ ၀တ္တကမြေမှ နွားလားဥဿဘ တို့အား ဉာဏ်ပညာကင်းမဲ့စွာ ဖမ်းဆီး စားသောက်ခဲ့သောကြောင့် နတ်ဘုရားတို့၏အမျက်သင့်ခံခဲ့ရသည်မှာ အမှန်ပင် ဖြစ်ပေသည်။ နတ်ဘုရားတို့၏ အရှင်သခင် ဇုစ် (၄) နတ်မင်း ၏ သမီးတော်ခင်ဗျား....ကျွန်ုပ်တို့အား သင်၏ ရွှေဉာဏ်တော် စိတ်ဆန္ဒရှိသည့်အတိုင်း မိန့်ကြားတော်မူပါလေ။   ထရိုဂျန် စစ်ပွဲဒဏ်မှ အသက်အန္တရာယ် ကင်းလွတ်ခ...
ဆက်လက်ဖတ်ရှုရန်

အစ္ဆရိယရကန် စကားပြေ ၁

-
Image
ဒန္တေအယ်လီဂီရယ်ရီ ရေးသားပြီး အန်သနီ အက်စ် ကလိုင်းမှ အင်္ဂလိပ် ဘာသာသို့ ပြန်ဆိုသော အစ္ဆရိကရကန်ကဗျာအား စကားပြေအဖြစ် ပြန်လည် ပြန်ဆိုထားပါသည်။  အစ္ဆရိယရကန် စကားပြေ  နိရယဘုံ အခန်း (၁) လင်္ကာပိုဒ် ၁ မှ ၆၀   မှောင်မိုက်သော တောအုပ်နှင့် တောင်ကုန်း ကျွန်ုပ်တို့၏ ဘဝခရီးလမ်း တစ်ဝက်တစ်ပျက်တွင် လမ်းမှန်မသိ ပျောက်ဆုံးလျက်ရှိသော မှောင်မိုက်သည့် တောနက်ကြီးတစ်ခုအတွင်း၌ ကျွန်ုပ်သည် ကိုယ့်ကိုယ်ကိုယ် တွေ့ရှိခဲ့ရလေ၏။ ထိုတောအုပ်သည် မည်မျှ ကြမ်းတမ်း ခက်ထန်ပြီး ထိုးဖောက်၍မရအောင် ထူထပ်လှသည်ကို ပြောဆို ရှင်းပြဖို့ရန်ပင် ခက်ခဲလှပေ၏။ ထိုအကြောင်းကို ပြန်လည် တွေးတောမိရုံမျှဖြင့် ကျွန်ုပ်၏ သန္တာန်တွင် ကြောက်စိတ်တို့သည် တစ်ဖန် ပြန်လည် ဖြစ်ပေါ်လာရ၏။ ၎င်းခံစားချက်သည်ကား သေခြင်းတရား၏ ခါးသီးမှုထက် လျော့ပါးလှမည် မဟုတ်ပါ။ သို့ရာတွင် ထိုနေရာ၌ ကျွန်ုပ် တွေ့ရှိခဲ့သော ကောင်းကျိုးအကြောင်းကို ပြောပြနိုင်ရန်အလို့ငှာ ကျွန်ုပ် မြင်တွေ့ခဲ့ရသည့် အခြားသော အခြင်းအရာများ အကြောင်းကိုလည်း ဦးစွာ ပြောပြရပေဦးမည်။ ထိုတောအုပ်ထဲသို့ ကျွန်ုပ် မည်သို့မည်ပုံ ဝင်ရောက်ခဲ့သည်ကို တိတိပပ မပြောနိုင်ပါ။ လမ်းမှန်ကို ကျွန်ုပ် စွန့...
ဆက်လက်ဖတ်ရှုရန်